1DAncket dem HERRN / Denn er ist freundlich / Denn seine Güte weret ewiglich. 2Dancket dem Gott aller Götter / Denn seine güte weret ewiglich. 3Dancket dem HErrn aller Herrn / Denn seine güte weret ewiglich. 4Der grosse Wunder thut alleine / Denn seine güte weret ewiglich. 5Der die Himel ordendlichDas der Himel vnd alle Sternen so gewissen Laufft haben / vnd nicht feilen. gemacht hat / Denn seine güte weret ewiglich. Gen. 1. 6Der die Erde auff wasser ausgebreitet hat / Denn seine güte weret ewiglich. 7Der grosse Liechter gemacht hat / Denn seine güte weret ewiglich. 8Die Sonne dem Tage fur zustehen / Denn seine güte weret ewiglich. 9Den Mond vnd Sterne der Nacht fur zustehen / Denn seine güte weret ewiglich. 10DEr Egypten schlug an jren Erstengeburten / Denn seine güte weret ewiglich. Exo. 12. 11Vnd füret Jsrael er aus / Denn seine güte weret ewiglich. Exo. 13. 12Durch mechtige hand vnd ausgerecktem arm / Denn seine güte weret ewiglich. 13Der das Schilffmeer teilet / in zwey teil / Denn seine güte weret ewiglich. Exo. 14. 14Vnd lies Jsrael durch hin gehen / Denn seine güte weret ewiglich. 15Der Pharao vnd sein Heer ins Schilffmeer sties / Denn seine güte weret ewiglich. 16Der sein Volck füret durch die Wüsten / Denn seine güte weret ewiglich. 17DEr grosse Könige schlug / Denn seine güte weret ewiglich. 18Vnd erwürget mechtige Könige / Denn seine güte weret ewiglich. 19Sihon der Amoriter könig / Denn seine güte weret ewiglich. Num. 21. 20Vnd Og den könig zu Basan / Denn seine güte weret ewiglich. 21Vnd gab jr Land zum Erbe / Denn seine güte weret ewiglich. 22Zum Erbe seinem knecht Jsrael / Denn seine güte weret ewiglich. 23Denn er dachte an vns / da wir vnter getrückt waren / Denn seine güte weret ewiglich. 24Vnd erlöset vns von vnsern Feinden / Denn seine güte weret ewiglich. 25Der allem Fleisch speise gibt / Denn seine güte weret ewiglich. 26Dancket dem Gott von Himel / Denn seine güte weret ewiglich.