1א ויביאו את ארון האלהים ויציגו אתו בתוך האהל אשר נטה לו דויד ויקריבו עלות ושלמים לפני האלהים 2ב ויכל דויד מהעלות העלה והשלמים ויברך את העם בשם יהוה 3ג ויחלק לכל איש ישראל מאיש ועד אשה--לאיש ככר לחם ואשפר ואשישה 4ד ויתן לפני ארון יהוה מן הלוים--משרתים ולהזכיר ולהודות ולהלל ליהוה אלהי ישראל {ס} 5ה אסף הראש ומשנהו זכריה יעיאל ושמירמות ויחיאל ומתתיה ואליאב ובניהו ועבד אדם ויעיאל בכלי נבלים ובכנרות ואסף במצלתים משמיע 6ו ובניהו ויחזיאל הכהנים--בחצצרות תמיד לפני ארון ברית האלהים 7ז ביום ההוא אז נתן דויד בראש להדות ליהוה--ביד אסף ואחיו {ש} br 8ח הודו ליהוה קראו בשמו-- {ס} הודיעו בעמים עלילתיו {ר} br 9ט שירו לו זמרו לו-- {ס} שיחו בכל נפלאתיו {ר} br 10י התהללו בשם קדשו-- {ס} ישמח לב מבקשי יהוה {ר} br 11יא דרשו יהוה ועזו-- {ס} בקשו פניו תמיד {ר} br 12יב זכרו נפלאתיו אשר עשה-- {ס} מפתיו ומשפטי פיהו {ר} br 13יג זרע ישראל עבדו-- {ס} בני יעקב בחיריו {ר} br 14יד הוא יהוה אלהינו-- {ס} בכל הארץ משפטיו {ר} br 15טו זכרו לעולם בריתו-- {ס} דבר צוה לאלף דור {ר} br 16טז אשר כרת את אברהם-- {ס} ושבועתו ליצחק {ר} br 17יז ויעמידה ליעקב לחק-- {ס} לישראל ברית עולם {ר} br 18יח לאמר לך אתן ארץ כנען-- {ס} חבל נחלתכם {ר} br 19יט בהיותכם מתי מספר-- {ס} כמעט וגרים בה {ר} br 20כ ויתהלכו מגוי אל גוי-- {ס} ומממלכה אל עם אחר {ר} br 21כא לא הניח לאיש לעשקם-- {ס} ויוכח עליהם מלכים {ר} br 22כב אל תגעו במשיחי-- {ס} ובנביאי אל תרעו {ר} br {ש} 23כג שירו ליהוה כל הארץ-- {ס} בשרו מיום אל יום ישועתו {ר} br 24כד ספרו בגוים את כבודו-- {ס} בכל העמים נפלאתיו {ר} br 25כה כי גדול יהוה ומהלל מאד-- {ס} ונורא הוא על כל אלהים {ר} br 26כו כי כל אלהי העמים אלילים-- {ס} ויהוה שמים עשה {ר} br 27כז הוד והדר לפניו-- {ס} עז וחדוה במקמו {ר} br 28כח הבו ליהוה משפחות עמים-- {ס} הבו ליהוה כבוד ועז {ר} br 29כט הבו ליהוה כבוד שמו {ס} שאו מנחה ובאו לפניו-- {ר} br השתחוו ליהוה בהדרת קדש {ס} 30ל חילו מלפניו כל הארץ-- {ר} br אף תכון תבל בל תמוט {ס} 31לא ישמחו השמים ותגל הארץ-- {ר} br ויאמרו בגוים יהוה מלך {ס} 32לב ירעם הים ומלואו-- {ר} br יעלץ השדה וכל אשר בו {ס} 33לג אז ירננו עצי היער {ר} br מלפני יהוה--כי בא לשפוט את הארץ {ס} 34לד הודו ליהוה כי טוב-- {ר} br כי לעולם חסדו {ס} 35לה ואמרו--הושיענו אלהי ישענו {ר} br וקבצנו והצילנו מן הגוים {ס} להדות לשם קדשך {ר} br להשתבח בתהלתך {ס} 36לו ברוך יהוה אלהי ישראל-- {ר} br מן העולם ועד העלם ויאמרו כל העם אמן-- {ס} והלל ליהוה {ר} br {ש} 37לז ויעזב שם לפני ארון ברית יהוה לאסף ולאחיו לשרת לפני הארון תמיד--לדבר יום ביומו 38לח ועבד אדם ואחיהם ששים ושמונה {ס} ועבד אדם בן ידיתון וחסה לשערים 39לט ואת צדוק הכהן ואחיו הכהנים לפני משכן יהוה--בבמה אשר בגבעון 40מ להעלות עלות ליהוה על מזבח העלה תמיד--לבקר ולערב ולכל הכתוב בתורת יהוה אשר צוה על ישראל 41מא ועמהם הימן וידותון ושאר הברורים אשר נקבו בשמות--להדות ליהוה כי לעולם חסדו 42מב ועמהם הימן וידותון חצצרות ומצלתים למשמיעים וכלי שיר האלהים ובני ידותון לשער 43מג וילכו כל העם איש לביתו ויסב דויד לברך את ביתו {פ} br