1א ולבני אהרן מחלקותם בני אהרן--נדב ואביהוא אלעזר ואיתמר 2ב וימת נדב ואביהוא לפני אביהם ובנים לא היו להם ויכהנו אלעזר ואיתמר 3ג ויחלקם דויד--וצדוק מן בני אלעזר ואחימלך מן בני איתמר לפקדתם בעבדתם 4ד וימצאו בני אלעזר רבים לראשי הגברים מן בני איתמר--ויחלקום לבני אלעזר ראשים לבית אבות ששה עשר ולבני איתמר לבית אבותם שמונה 5ה ויחלקום בגורלות אלה עם אלה כי היו שרי קדש ושרי האלהים מבני אלעזר ובבני איתמר {ס} 6ו ויכתבם שמעיה בן נתנאל הסופר מן הלוי לפני המלך והשרים וצדוק הכהן ואחימלך בן אביתר וראשי האבות לכהנים וללוים--בית אב אחד אחז לאלעזר ואחז אחז לאיתמר {פ} br 7ז ויצא הגורל הראשון ליהויריב {ס} לידעיה השני {ס} 8ח לחרם {ר} br השלישי {ס} לשערים הרבעי {ס} 9ט למלכיה {ר} br החמישי {ס} למימן הששי {ס} 10י להקוץ {ר} br השבעי {ס} לאביה השמיני {ס} 11יא לישוע {ר} br התשעי {ס} לשכניהו העשרי {ס} 12יב לאלישיב {ר} br עשתי עשר {ס} ליקים שנים עשר {ס} 13יג לחפה {ר} br שלשה עשר {ס} לישבאב ארבעה עשר {ס} 14יד לבלגה {ר} br חמשה עשר {ס} לאמר ששה עשר {ס} 15טו לחזיר שבעה {ר} br עשר {ס} להפצץ שמונה עשר {ס} 16טז לפתחיה תשעה {ר} br עשר {ס} ליחזקאל העשרים {ס} 17יז ליכין אחד {ר} br ועשרים {ס} לגמול שנים ועשרים {ס} 18יח לדליהו שלשה {ר} br ועשרים {ס} למעזיהו ארבעה ועשרים {פ} br 19יט אלה פקדתם לעבדתם לבוא לבית יהוה כמשפטם ביד אהרן אביהם כאשר צוהו יהוה אלהי ישראל {פ} br 20כ ולבני לוי הנותרים לבני עמרם שובאל לבני שובאל יחדיהו {ס} 21כא לרחביהו--לבני רחביהו הראש ישיה {ס} 22כב ליצהרי שלמות לבני שלמות יחת {ס} 23כג ובני יריהו אמריהו השני יחזיאל השלישי יקמעם הרביעי {ס} 24כד בני עזיאל מיכה לבני מיכה שמור (שמיר) 25כה אחי מיכה ישיה {ס} לבני ישיה זכריהו {ס} 26כו בני מררי מחלי ומושי {ס} בני יעזיהו בנו {ס} 27כז בני מררי--ליעזיהו בנו ושהם וזכור ועברי {ס} 28כח למחלי אלעזר ולא היה לו בנים {ס} 29כט לקיש בני קיש ירחמאל {ס} 30ל ובני מושי מחלי ועדר וירימות אלה בני הלוים לבית אבתיהם 31לא ויפילו גם הם גורלות לעמת אחיהם בני אהרן לפני דויד המלך וצדוק ואחימלך וראשי האבות לכהנים וללוים--אבות הראש לעמת אחיו הקטן {ס}