1א   נקטה נפשי בחיי    אעזבה עלי שיחי אדברה במר נפשי br 2ב   אמר אל-אלוה אל-תרשיעני    הודיעני על מה-תריבני br 3ג   הטוב לך כי תעשק--כי-תמאס יגיע כפיך    ועל-עצת רשעים הופעת br 4ד   העיני בשר לך    אם-כראות אנוש תראה br 5ה   הכימי אנוש ימיך    אם-שנותיך כימי גבר br 6ו   כי-תבקש לעוני    ולחטאתי תדרוש br 7ז   על-דעתך כי-לא ארשע    ואין מידך מציל br 8ח   ידיך עצבוני ויעשוני    יחד סביב ותבלעני br 9ט   זכר-נא כי-כחמר עשיתני    ואל-עפר תשיבני br 10י   הלא כחלב תתיכני    וכגבנה תקפיאני br 11יא   עור ובשר תלבישני    ובעצמות וגידים תשככני br 12יב   חיים וחסד עשית עמדי    ופקדתך שמרה רוחי br 13יג   ואלה צפנת בלבבך    ידעתי כי-זאת עמך br 14יד   אם-חטאתי ושמרתני    ומעוני לא תנקני br 15טו   אם רשעתי אללי לי--    וצדקתי לא-אשא ראשי br שבע קלון    וראה עניי br 16טז   ויגאה כשחל תצודני    ותשב תתפלא-בי br 17יז   תחדש עדיך נגדי ותרב כעשך עמדי    חליפות וצבא עמי br 18יח   ולמה מרחם הצאתני    אגוע ועין לא-תראני br 19יט   כאשר לא-הייתי אהיה    מבטן לקבר אובל br 20כ   הלא-מעט ימי יחדל (וחדל)    ישית (ושית) ממני ואבליגה מעט br 21כא   בטרם אלך ולא אשוב--    אל-ארץ חשך וצלמות br 22כב   ארץ עפתה כמו אפל--צלמות ולא סדרים    ותפע כמו-אפל