1א                   ויען איוב ויאמר br 2ב   אמנם כי אתם-עם    ועמכם תמות חכמה br 3ג   גם-לי לבב כמוכם--לא-נפל אנכי מכם    ואת-מי-אין כמו-אלה br 4ד   שחק לרעהו אהיה--קרא לאלוה ויענהו    שחוק צדיק תמים br 5ה   לפיד בוז לעשתות שאנן--    נכון למועדי רגל br 6ו   ישליו אהלים לשדדים ובטחות למרגיזי אל--    לאשר הביא אלוה בידו br 7ז   ואולם--שאל-נא בהמות ותרך    ועוף השמים ויגד-לך br 8ח   או שיח לארץ ותרך    ויספרו לך דגי הים br 9ט   מי לא-ידע בכל-אלה    כי יד-יהוה עשתה זאת br 10י   אשר בידו נפש כל-חי    ורוח כל-בשר-איש br 11יא   הלא-אזן מלין תבחן    וחך אכל יטעם-לו br 12יב   בישישים חכמה    וארך ימים תבונה br 13יג   עמו חכמה וגבורה    לו עצה ותבונה br 14יד   הן יהרוס ולא יבנה    יסגר על-איש ולא יפתח br 15טו   הן יעצר במים ויבשו    וישלחם ויהפכו ארץ br 16טז   עמו עז ותושיה    לו שגג ומשגה br 17יז   מוליך יועצים שולל    ושפטים יהולל br 18יח   מוסר מלכים פתח    ויאסר אזור במתניהם br 19יט   מוליך כהנים שולל    ואתנים יסלף br 20כ   מסיר שפה לנאמנים    וטעם זקנים יקח br 21כא   שופך בוז על-נדיבים    ומזיח אפיקים רפה br 22כב   מגלה עמקות מני-חשך    ויצא לאור צלמות br 23כג   משגיא לגוים ויאבדם    שטח לגוים וינחם br 24כד   מסיר--לב ראשי עם-הארץ    ויתעם בתהו לא-דרך br 25כה   ימששו-חשך ולא-אור    ויתעם כשכור