1א ויען איוב ויאמר br 2ב שמעתי כאלה רבות מנחמי עמל כלכם br 3ג הקץ לדברי-רוח או מה-ימריצך כי תענה br 4ד גם אנכי-- ככם אדברה br לו יש נפשכם תחת נפשי-- אחבירה עליכם במלים br ואניעה עליכם במו ראשי br 5ה אאמצכם במו-פי וניד שפתי יחשך br 6ו אם-אדברה לא-יחשך כאבי ואחדלה מה-מני יהלך br 7ז אך-עתה הלאני השמות כל-עדתי br 8ח ותקמטני לעד היה ויקם בי כחשי בפני יענה br 9ט אפו טרף וישטמני--חרק עלי בשניו צרי ילטש עיניו לי br 10י פערו עלי בפיהם--בחרפה הכו לחיי יחד עלי יתמלאון br 11יא יסגירני אל אל עויל ועל-ידי רשעים ירטני br 12יב שלו הייתי ויפרפרני-- ואחז בערפי ויפצפצני br ויקימני לו למטרה br 13יג יסבו עלי רביו-- יפלח כליותי ולא יחמל br ישפך לארץ מררתי br 14יד יפרצני פרץ על-פני-פר ץ ירץ עלי כגבור br 15טו שק תפרתי עלי גלדי ועללתי בעפר קרני br 16טז פני חמרמרה (חמרמרו) מני-בכי ועל עפעפי צלמות br 17יז על לא-חמס בכפי ותפלתי זכה br 18יח ארץ אל-תכסי דמי ואל-יהי מקום לזעקתי br 19יט גם-עתה הנה-בשמים עדי ושהדי במרמים br 20כ מליצי רעי אל-אלוה דלפה עיני br 21כא ויוכח לגבר עם-אלוה ובן-אדם לרעהו br 22כב כי-שנות מספר יאתיו וארח לא-אשוב אהלך