1א ויען צפר הנעמתי ויאמר br 2ב לכן שעפי ישיבוני ובעבור חושי בי br 3ג מוסר כלמתי אשמע ורוח מבינתי יענני br 4ד הזאת ידעת מני-עד מני שים אדם עלי-ארץ br 5ה כי רננת רשעים מקרוב ושמחת חנף עדי-רגע br 6ו אם-יעלה לשמים שיאו וראשו לעב יגיע br 7ז כגללו לנצח יאבד ראיו יאמרו איו br 8ח כחלום יעוף ולא ימצאהו וידד כחזיון לילה br 9ט עין שזפתו ולא תוסיף ולא-עוד תשורנו מקומו br 10י בניו ירצו דלים וידיו תשבנה אונו br 11יא עצמותיו מלאו עלומו ועמו על-עפר תשכב br 12יב אם-תמתיק בפיו רעה-- יכחידנה תחת לשנו br 13יג יחמל עליה ולא יעזבנה וימנענה בתוך חכו br 14יד לחמו במעיו נהפך מרורת פתנים בקרבו br 15טו חיל בלע ויקאנו מבטנו ירשנו אל br 16טז ראש-פתנים יינק תהרגהו לשון אפעה br 17יז אל-ירא בפלגות-- נהרי נחלי דבש וחמאה br 18יח משיב יגע ולא יבלע כחיל תמורתו ולא יעלס br 19יט כי-רצץ עזב דלים בית גזל ולא יבנהו br 20כ כי לא-ידע שלו בבטנו בחמודו לא ימלט br 21כא אין-שריד לאכלו על-כן לא-יחיל טובו br 22כב במלאות שפקו יצר לו כל-יד עמל תבאנו br 23כג יהי למלא בטנו--ישלח-בו חרון אפו וימטר עלימו בלחומו br 24כד יברח מנשק ברזל תחלפהו קשת נחושה br 25כה שלף ויצא מגוה וברק ממררתו יהלך עליו אמים br 26כו כל-חשך טמון לצפוניו br תאכלהו אש לא-נפח ירע שריד באהלו br 27כז יגלו שמים עונו וארץ מתקוממה לו br 28כח יגל יבול ביתו נגרות ביום אפו br 29כט זה חלק-אדם רשע--מאלהים ונחלת אמרו מאל