1א ויען איוב ויאמר br 2ב גם-היום מרי שחי ידי כבדה על-אנחתי br 3ג מי-יתן ידעתי ואמצאהו אבוא עד-תכונתו br 4ד אערכה לפניו משפט ופי אמלא תוכחות br 5ה אדעה מלים יענני ואבינה מה-יאמר לי br 6ו הברב-כח יריב עמדי לא אך-הוא ישם בי br 7ז שם--ישר נוכח עמו ואפלטה לנצח משפטי br 8ח הן קדם אהלך ואיננו ואחור ולא-אבין לו br 9ט שמאול בעשתו ולא-אחז יעטף ימין ולא אראה br 10י כי-ידע דרך עמדי בחנני כזהב אצא br 11יא באשרו אחזה רגלי דרכו שמרתי ולא-אט br 12יב מצות שפתיו ולא אמיש מחקי צפנתי אמרי-פיו br 13יג והוא באחד ומי ישיבנו ונפשו אותה ויעש br 14יד כי ישלים חקי וכהנה רבות עמו br 15טו על-כן מפניו אבהל אתבונן ואפחד ממנו br 16טז ואל הרך לבי ושדי הבהילני br 17יז כי-לא נצמתי מפני-חשך ומפני כסה-אפל