1א                   ויסף איוב שאת משלו ויאמר br 2ב   מי-יתנני כירחי-קדם    כימי אלוה ישמרני br 3ג   בהלו נרו עלי ראשי    לאורו אלך חשך br 4ד   כאשר הייתי בימי חרפי    בסוד אלוה עלי אהלי br 5ה   בעוד שדי עמדי    סביבותי נערי br 6ו   ברחץ הליכי בחמה    וצור יצוק עמדי פלגי-שמן br 7ז   בצאתי שער עלי-קרת    ברחוב אכין מושבי br 8ח   ראוני נערים ונחבאו    וישישים קמו עמדו br 9ט   שרים עצרו במלים    וכף ישימו לפיהם br 10י   קול-נגידים נחבאו    ולשונם לחכם דבקה br 11יא   כי אזן שמעה ותאשרני    ועין ראתה ותעידני br 12יב   כי-אמלט עני משוע    ויתום ולא-עזר לו br 13יג   ברכת אבד עלי תבא    ולב אלמנה ארנן br 14יד   צדק לבשתי וילבשני    כמעיל וצניף משפטי br 15טו   עינים הייתי לעור    ורגלים לפסח אני br 16טז   אב אנכי לאביונים    ורב לא-ידעתי אחקרהו br 17יז   ואשברה מתלעות עול    ומשניו אשליך טרף br 18יח   ואמר עם-קני אגוע    וכחול ארבה ימים br 19יט   שרשי פתוח אלי-מים    וטל ילין בקצירי br 20כ   כבודי חדש עמדי    וקשתי בידי תחליף br 21כא   לי-שמעו ויחלו    וידמו למו עצתי br 22כב   אחרי דברי לא ישנו    ועלימו תטף מלתי br 23כג   ויחלו כמטר לי    ופיהם פערו למלקוש br 24כד   אשחק אלהם לא יאמינו    ואור פני לא יפילון br 25כה   אבחר דרכם    ואשב ראש br ואשכון כמלך בגדוד    כאשר אבלים ינחם