1א ועתה שחקו עלי-- צעירים ממני לימים br אשר-מאסתי אבותם-- לשית עם-כלבי צאני br 2ב גם-כח ידיהם למה לי עלימו אבד כלח br 3ג בחסר ובכפן גלמוד הערקים ציה--אמש שואה ומשאה br 4ד הקטפים מלוח עלי-שיח ושרש רתמים לחמם br 5ה מן-גו יגרשו יריעו עלימו כגנב br 6ו בערוץ נחלים לשכן חרי עפר וכפים br 7ז בין-שיחים ינהקו תחת חרול יספחו br 8ח בני-נבל גם-בני בלי-שם-- נכאו מן-הארץ br 9ט ועתה נגינתם הייתי ואהי להם למלה br 10י תעבוני רחקו מני ומפני לא-חשכו רק br 11יא כי-יתרו (יתרי) פתח ויענני ורסן מפני שלחו br 12יב על-ימין פרחח יקומו רגלי שלחו ויסלו עלי ארחות אידם br 13יג נתסו נתיבתי להותי יעילו לא עזר למו br 14יד כפרץ רחב יאתיו תחת שאה התגלגלו br 15טו ההפך עלי בלהות br תרדף כרוח נדבתי וכעב עברה ישעתי br 16טז ועתה--עלי תשתפך נפשי יאחזוני ימי-עני br 17יז לילה--עצמי נקר מעלי וערקי לא ישכבון br 18יח ברב-כח יתחפש לבושי כפי כתנתי יאזרני br 19יט הרני לחמר ואתמשל כעפר ואפר br 20כ אשוע אליך ולא תענני עמדתי ותתבנן בי br 21כא תהפך לאכזר לי בעצם ידך תשטמני br 22כב תשאני אל-רוח תרכיבני ותמגגני תשוה (תשיה) br 23כג כי-ידעתי מות תשיבני ובית מועד לכל-חי br 24כד אך לא-בעי ישלח-יד אם-בפידו להן שוע br 25כה אם-לא בכיתי לקשה-יום עגמה נפשי לאביון br 26כו כי טוב קויתי ויבא רע ואיחלה לאור ויבא אפל br 27כז מעי רתחו ולא-דמו קדמני ימי-עני br 28כח קדר הלכתי בלא חמה קמתי בקהל אשוע br 29כט אח הייתי לתנים ורע לבנות יענה br 30ל עורי שחר מעלי ועצמי-חרה מני-חרב br 31לא ויהי לאבל כנרי ועגבי לקול בכים