1א ואולם--שמע-נא איוב מלי וכל-דברי האזינה br 2ב הנה-נא פתחתי פי דברה לשוני בחכי br 3ג ישר-לבי אמרי ודעת שפתי ברור מללו br 4ד רוח-אל עשתני ונשמת שדי תחיני br 5ה אם-תוכל השיבני ערכה לפני התיצבה br 6ו הן-אני כפיך לאל מחמר קרצתי גם-אני br 7ז הנה אמתי לא תבעתך ואכפי עליך לא-יכבד br 8ח אך אמרת באזני וקול מלין אשמע br 9ט זך אני בלי-פשע ח ף אנכי ולא עון לי br 10י הן תנואות עלי ימצא יחשבני לאויב לו br 11יא ישם בסד רגלי ישמר כל-ארחתי br 12יב הן-זאת לא-צדקת אענך כי-ירבה אלוה מאנוש br 13יג מדוע אליו ריבות כי כל-דבריו לא יענה br 14יד כי-באחת ידבר-אל ובשתים לא ישורנה br 15טו בחלום חזיון לילה--בנפל תרדמה על-אנשים בתנומות עלי משכב br 16טז אז יגלה אזן אנשים ובמסרם יחתם br 17יז להסיר אדם מעשה וגוה מגבר יכסה br 18יח יחשך נפשו מני-שחת וחיתו מעבר בשלח br 19יט והוכח במכאוב על-משכבו וריב (ורוב) עצמיו אתן br 20כ וזהמתו חיתו לחם ונפשו מאכל תאוה br 21כא יכל בשרו מראי ושפי (ושפו) עצמתיו לא ראו br 22כב ותקרב לשחת נפשו וחיתו לממתים br 23כג אם-יש עליו מלאך--מליץ אחד מני-אלף להגיד לאדם ישרו br 24כד ויחננו--ויאמר פדעהו מרדת שחת מצאתי כפר br 25כה רטפש בשרו מנער ישוב לימי עלומיו br 26כו יעתר אל-אלוה וירצהו וירא פניו בתרועה br וישב לאנוש צדקתו br 27כז ישר על-אנשים ויאמר חטאתי וישר העויתי ולא-שוה לי br 28כח פדה נפשי (נפשו) מעבר בשחת וחיתי (וחיתו) באור תראה br 29כט הן-כל-אלה יפעל-אל-- פעמים שלוש עם-גבר br 30ל להשיב נפשו מני-שחת-- לאור באור החיים br 31לא הקשב איוב שמע-לי החרש ואנכי אדבר br 32לב אם-יש-מלין השיבני דבר כי-חפצתי צדקך br 33לג אם-אין אתה שמע-לי החרש ואאלפך חכמה