1א                   ויען אליהוא ויאמר br 2ב   שמעו חכמים מלי    וידעים האזינו לי br 3ג   כי-אזן מלין תבחן    וחך יטעם לאכל br 4ד   משפט נבחרה-לנו    נדעה בינינו מה-טוב br 5ה   כי-אמר איוב צדקתי    ואל הסיר משפטי br 6ו   על-משפטי אכזב    אנוש חצי בלי-פשע br 7ז   מי-גבר כאיוב    ישתה-לעג כמים br 8ח   וארח לחברה עם-פעלי און    וללכת עם-אנשי-רשע br 9ט   כי-אמר לא יסכן-גבר--    ברצתו עם-אלהים br 10י   לכן אנשי לבב--    שמעו-לי br חללה לאל מרשע    ושדי מעול br 11יא   כי פעל אדם ישלם-לו    וכארח איש ימצאנו br 12יב   אף-אמנם אל לא-ירשיע    ושדי לא-יעות משפט br 13יג   מי-פקד עליו ארצה    ומי שם תבל כלה br 14יד   אם-ישים אליו לבו    רוחו ונשמתו אליו יאסף br 15טו   יגוע כל-בשר יחד    ואדם על-עפר ישוב br 16טז   ואם-בינה שמעה-זאת    האזינה לקול מלי br 17יז   האף שונא משפט יחבוש    ואם-צדיק כביר תרשיע br 18יח   האמר למלך בליעל--    רשע אל-נדיבים br 19יט   אשר לא-נשא פני שרים    ולא נכר-שוע לפני-דל br כי-מעשה ידיו    כלם br 20כ   רגע ימתו--    וחצות לילה br יגעשו עם ויעברו    ויסירו אביר לא ביד br 21כא   כי-עיניו על-דרכי-איש    וכל-צעדיו יראה br 22כב   אין-חשך ואין צלמות--    להסתר שם פעלי און br 23כג   כי לא על-איש ישים עוד--    להלך אל-אל במשפט br 24כד   ירע כבירים לא-חקר    ויעמד אחרים תחתם br 25כה   לכן--יכיר מעבדיהם    והפך לילה וידכאו br 26כו   תחת-רשעים ספקם--    במקום ראים br 27כז   אשר על-כן סרו מאחריו    וכל-דרכיו לא השכילו br 28כח   להביא עליו צעקת-דל    וצעקת עניים ישמע br 29כט   והוא ישקט ומי ירשע--    ויסתר פנים ומי ישורנו br ועל-גוי ועל-אדם    יחד br 30ל   ממלך אדם חנף--    ממקשי עם br 31לא   כי-אל-אל האמר נשאתי--    לא אחבל br 32לב   בלעדי אחזה אתה הרני    אם-עול פעלתי לא אסיף br 33לג   המעמך ישלמנה כי-מאסת--כי-אתה תבחר ולא-אני    ומה-ידעת דבר br 34לד   אנשי לבב יאמרו לי    וגבר חכם שמע לי br 35לה   איוב לא-בדעת ידבר    ודבריו לא בהשכיל br 36לו   אבי--יבחן איוב עד-נצח    על-תשבת באנשי-און br 37לז   כי יסיף על-חטאתו פשע בינינו יספוק    וירב אמריו לאל