1א הן-תחלתו נכזבה הגם אל-מראיו יטל br 2ב לא-אכזר כי יעורנו ומי הוא לפני יתיצב br 3ג מי הקדימני ואשלם תחת כל-השמים לי-הוא br 4ד לא- (לו-) אחריש בדיו ודבר-גבורות וחין ערכו br 5ה מי-גלה פני לבושו בכפל רסנו מי יבוא br 6ו דלתי פניו מי פתח סביבות שניו אימה br 7ז גאוה אפיקי מגנים סגור חותם צר br 8ח אחד באחד יגשו ורוח לא-יבא ביניהם br 9ט איש-באחיהו ידבקו יתלכדו ולא יתפרדו br 10י עטישתיו תהל אור ועיניו כעפעפי-שחר br 11יא מפיו לפידים יהלכו כידודי אש יתמלטו br 12יב מנחיריו יצא עשן-- כדוד נפוח ואגמן br 13יג נפשו גחלים תלהט ולהב מפיו יצא br 14יד בצוארו ילין עז ולפניו תדוץ דאבה br 15טו מפלי בשרו דבקו יצוק עליו בל-ימוט br 16טז לבו יצוק כמו-אבן ויצוק כפלח תחתית br 17יז משתו יגורו אלים משברים יתחטאו br 18יח משיגהו חרב בלי תקום חנית מסע ושריה br 19יט יחשב לתבן ברזל לעץ רקבון נחושה br 20כ לא-יבריחנו בן-קשת לקש נהפכו-לו אבני-קלע br 21כא כקש נחשבו תותח וישחק לרעש כידון br 22כב תחתיו חדודי חרש ירפד חרוץ עלי-טיט br 23כג ירתיח כסיר מצולה ים ישים כמרקחה br 24כד אחריו יאיר נתיב יחשב תהום לשיבה br 25כה אין-על-עפר משלו העשו לבלי-חת br 26כו את-כל-גבה יראה הוא מלך על-כל-בני-שחץ