1א                   ויען איוב ויאמר br 2ב   לו--שקול ישקל כעשי    והיתי (והותי) במאזנים ישאו-יחד br 3ג   כי-עתה--מחול ימים יכבד    על-כן דברי לעו br 4ד   כי חצי שדי עמדי--אשר חמתם שתה רוחי    בעותי אלוה יערכוני br 5ה   הינהק-פרא עלי-דשא    אם יגעה-שור על-בלילו br 6ו   היאכל תפל מבלי-מלח    אם-יש-טעם בריר חלמות br 7ז   מאנה לנגוע נפשי    המה כדוי לחמי br 8ח   מי-יתן תבוא שאלתי    ותקותי יתן אלוה br 9ט   ויאל אלוה וידכאני    יתר ידו ויבצעני br 10י   ותהי-עוד נחמתי--    ואסלדה בחילה לא יחמול br כי-לא כחדתי    אמרי קדוש br 11יא   מה-כחי כי-איחל    ומה-קצי כי-אאריך נפשי br 12יב   אם-כח אבנים כחי    אם-בשרי נחוש br 13יג   האם אין עזרתי בי    ותשיה נדחה ממני br 14יד   למס מרעהו חסד    ויראת שדי יעזוב br 15טו   אחי בגדו כמו-נחל    כאפיק נחלים יעברו br 16טז   הקדרים מני-קרח    עלימו יתעלם-שלג br 17יז   בעת יזרבו נצמתו    בחמו נדעכו ממקומם br 18יח   ילפתו ארחות דרכם    יעלו בתהו ויאבדו br 19יט   הביטו ארחות תמא    הליכת שבא קוו-למו br 20כ   בשו כי-בטח    באו עדיה ויחפרו br 21כא   כי-עתה הייתם לא    תראו חתת ותיראו br 22כב   הכי-אמרתי הבו לי    ומכחכם שחדו בעדי br 23כג   ומלטוני מיד-צר    ומיד עריצים תפדוני br 24כד   הורוני ואני אחריש    ומה-שגיתי הבינו לי br 25כה   מה-נמרצו אמרי-ישר    ומה-יוכיח הוכח מכם br 26כו   הלהוכח מלים תחשבו    ולרוח אמרי נואש br 27כז   אף-על-יתום תפילו    ותכרו על-ריעכם br 28כח   ועתה הואילו פנו-בי    ועל-פניכם אם-אכזב br 29כט   שובו-נא אל-תהי עולה    ושבי (ושבו) עוד צדקי-בה br 30ל   היש-בלשוני עולה    אם-חכי לא-יבין הוות