1א ויען בלדד השוחי ויאמר br 2ב עד-אן תמלל-אלה ורוח כביר אמרי-פיך br 3ג האל יעות משפט ואם-שדי יעות-צדק br 4ד אם-בניך חטאו-לו וישלחם ביד-פשעם br 5ה אם-אתה תשחר אל-אל ואל-שדי תתחנן br 6ו אם-זך וישר אתה כי-עתה יעיר עליך ושלם נות צדקך br 7ז והיה ראשיתך מצער ואחריתך ישגה מאד br 8ח כי-שאל-נא לדר רישון וכונן לחקר אבותם br 9ט כי-תמול אנחנו ולא נדע כי צל ימינו עלי-ארץ br 10י הלא-הם יורוך יאמרו לך ומלבם יוצאו מלים br 11יא היגאה-גמא בלא בצה ישגה-אחו בלי-מים br 12יב עדנו באבו לא יקטף ולפני כל-חציר ייבש br 13יג כן--ארחות כל-שכחי אל ותקות חנף תאבד br 14יד אשר-יקוט כסלו ובית עכביש מבטחו br 15טו ישען על-ביתו ולא יעמד יחזיק בו ולא יקום br 16טז רטב הוא לפני-שמש ועל גנתו ינקתו תצא br 17יז על-גל שרשיו יסבכו בית אבנים יחזה br 18יח אם-יבלענו ממקמו וכחש בו לא ראיתיך br 19יט הן-הוא משוש דרכו ומעפר אחר יצמחו br 20כ הן-אל לא ימאס-תם ולא-יחזיק ביד-מרעים br 21כא עד-ימלה שחוק פיך ושפתיך תרועה br 22כב שנאיך ילבשו-בשת ואהל רשעים איננו