1א בן חכם מוסר אב ולץ לא-שמע גערה br 2ב מפרי פי-איש יאכל טוב ונפש בגדים חמס br 3ג נצר פיו שמר נפשו פשק שפתיו מחתה-לו br 4ד מתאוה ואין נפשו עצל ונפש חרצים תדשן br 5ה דבר-שקר ישנא צדיק ורשע יבאיש ויחפיר br 6ו צדקה תצר תם-דרך ורשעה תסלף חטאת br 7ז יש מתעשר ואין כל מתרושש והון רב br 8ח כפר נפש-איש עשרו ורש לא-שמע גערה br 9ט אור-צדיקים ישמח ונר רשעים ידעך br 10י רק-בזדון יתן מצה ואת-נועצים חכמה br 11יא הון מהבל ימעט וקבץ על-יד ירבה br 12יב תוחלת ממשכה מחלה-לב ועץ חיים תאוה באה br 13יג בז לדבר יחבל לו וירא מצוה הוא ישלם br 14יד תורת חכם מקור חיים-- לסור ממקשי מות br 15טו שכל-טוב יתן-חן ודרך בגדים איתן br 16טז כל-ערום יעשה בדעת וכסיל יפרש אולת br 17יז מלאך רשע יפל ברע וציר אמונים מרפא br 18יח ריש וקלון פורע מוסר ושמר תוכחת יכבד br 19יט תאוה נהיה תערב לנפש ותועבת כסילים סור מרע br 20כ הלוך (הולך) את-חכמים וחכם (יחכם) ורעה כסילים ירוע br 21כא חטאים תרדף רעה ואת-צדיקים ישלם-טוב br 22כב טוב--ינחיל בני-בנים וצפון לצדיק חיל חוטא br 23כג רב-אכל ניר ראשים ויש נספה בלא משפט br 24כד חושך שבטו שונא בנו ואהבו שחרו מוסר br 25כה צדיק--אכל לשבע נפשו ובטן רשעים תחסר