1א חכמות נשים בנתה ביתה ואולת בידיה תהרסנו br 2ב הולך בישרו ירא יהוה ונלוז דרכיו בוזהו br 3ג בפי-אויל חטר גאוה ושפתי חכמים תשמורם br 4ד באין אלפים אבוס בר ורב-תבואות בכח שור br 5ה עד אמונים לא יכזב ויפיח כזבים עד שקר br 6ו בקש-לץ חכמה ואין ודעת לנבון נקל br 7ז לך מנגד לאיש כסיל ובל-ידעת שפתי-דעת br 8ח חכמת ערום הבין דרכו ואולת כסילים מרמה br 9ט אולים יליץ אשם ובין ישרים רצון br 10י לב--יודע מרת נפשו ובשמחתו לא-יתערב זר br 11יא בית רשעים ישמד ואהל ישרים יפריח br 12יב יש דרך ישר לפני-איש ואחריתה דרכי-מות br 13יג גם-בשחק יכאב-לב ואחריתה שמחה תוגה br 14יד מדרכיו ישבע סוג לב ומעליו איש טוב br 15טו פתי יאמין לכל-דבר וערום יבין לאשרו br 16טז חכם ירא וסר מרע וכסיל מתעבר ובוטח br 17יז קצר-אפים יעשה אולת ואיש מזמות ישנא br 18יח נחלו פתאים אולת וערומים יכתרו דעת br 19יט שחו רעים לפני טובים ורשעים על-שערי צדיק br 20כ גם-לרעהו ישנא רש ואהבי עשיר רבים br 21כא בז-לרעהו חוטא ומחונן עניים (ענוים) אשריו br 22כב הלוא-יתעו חרשי רע וחסד ואמת חרשי טוב br 23כג בכל-עצב יהיה מותר ודבר-שפתים אך-למחסור br 24כד עטרת חכמים עשרם אולת כסילים אולת br 25כה מציל נפשות עד אמת ויפח כזבים מרמה br 26כו ביראת יהוה מבטח-עז ולבניו יהיה מחסה br 27כז יראת יהוה מקור חיים-- לסור ממקשי מות br 28כח ברב-עם הדרת-מלך ובאפס לאם מחתת רזון br 29כט ארך אפים רב-תבונה וקצר-רוח מרים אולת br 30ל חיי בשרים לב מרפא ורקב עצמות קנאה br 31לא עשק דל חרף עשהו ומכבדו חנן אביון br 32לב ברעתו ידחה רשע וחסה במותו צדיק br 33לג בלב נבון תנוח חכמה ובקרב כסילים תודע br 34לד צדקה תרומם-גוי וחסד לאמים חטאת br 35לה רצון-מלך לעבד משכיל ועברתו תהיה מביש