1א לאדם מערכי-לב ומיהוה מענה לשון br 2ב כל-דרכי-איש זך בעיניו ותכן רוחות יהוה br 3ג גל אל-יהוה מעשיך ויכנו מחשבתיך br 4ד כל פעל יהוה למענהו וגם-רשע ליום רעה br 5ה תועבת יהוה כל-גבה-לב יד ליד לא ינקה br 6ו בחסד ואמת יכפר עון וביראת יהוה סור מרע br 7ז ברצות יהוה דרכי-איש גם-אויביו ישלם אתו br 8ח טוב-מעט בצדקה-- מרב תבואות בלא משפט br 9ט לב אדם יחשב דרכו ויהוה יכין צעדו br 10י קסם על-שפתי-מלך במשפט לא ימעל-פיו br 11יא פלס ומאזני משפט--ליהוה מעשהו כל-אבני-כיס br 12יב תועבת מלכים עשות רשע כי בצדקה יכון כסא br 13יג רצון מלכים שפתי-צדק ודבר ישרים יאהב br 14יד חמת-מלך מלאכי-מות ואיש חכם יכפרנה br 15טו באור-פני-מלך חיים ורצונו כעב מלקוש br 16טז קנה-חכמה--מה-טוב מחרוץ וקנות בינה נבחר מכסף br 17יז מסלת ישרים סור מרע שמר נפשו נצר דרכו br 18יח לפני-שבר גאון ולפני כשלון גבה רוח br 19יט טוב שפל-רוח את-עניים (ענוים) מחלק שלל את-גאים br 20כ משכיל על-דבר ימצא-טוב ובוטח ביהוה אשריו br 21כא לחכם-לב יקרא נבון ומתק שפתים יסיף לקח br 22כב מקור חיים שכל בעליו ומוסר אולים אולת br 23כג לב חכם ישכיל פיהו ועל-שפתיו יסיף לקח br 24כד צוף-דבש אמרי-נעם מתוק לנפש ומרפא לעצם br 25כה יש דרך ישר לפני-איש ואחריתה דרכי-מות br 26כו נפש עמל עמלה לו כי-אכף עליו פיהו br 27כז איש בליעל כרה רעה ועל-שפתיו (שפתו) כאש צרבת br 28כח איש תהפכות ישלח מדון ונרג ן מפריד אלוף br 29כט איש חמס יפתה רעהו והוליכו בדרך לא-טוב br 30ל עצה עיניו לחשב תהפכות קרץ שפתיו כלה רעה br 31לא עטרת תפארת שיבה בדרך צדקה תמצא br 32לב טוב ארך אפים מגבור ומשל ברוחו מלכד עיר br 33לג בחיק יוטל את-הגורל ומיהוה כל-משפטו