1א   טוב-רש הולך בתמו--    מעקש שפתיו והוא כסיל br 2ב   גם בלא-דעת נפש לא-טוב    ואץ ברגלים חוטא br 3ג   אולת אדם תסלף דרכו    ועל-יהוה יזעף לבו br 4ד   הון--יסיף רעים רבים    ודל מרעהו יפרד br 5ה   עד שקרים לא ינקה    ויפיח כזבים לא ימלט br 6ו   רבים יחלו פני-נדיב    וכל-הרע לאיש מתן br 7ז   כל אחי-רש שנאהו--    אף כי מרעהו רחקו ממנו br מרדף אמרים    לא- (לו-) המה br 8ח   קנה-לב אהב נפשו    שמר תבונה למצא-טוב br 9ט   עד שקרים לא ינקה    ויפיח כזבים יאבד 10י   לא-נאוה לכסיל תענוג    אף כי-לעבד משל בשרים br 11יא   שכל אדם האריך אפו    ותפארתו עבר על-פשע br 12יב   נהם ככפיר זעף מלך    וכטל על-עשב רצונו br 13יג   הות לאביו בן כסיל    ודלף טרד מדיני אשה br 14יד   בית והון נחלת אבות    ומיהוה אשה משכלת br 15טו   עצלה תפיל תרדמה    ונפש רמיה תרעב br 16טז   שמר מצוה שמר נפשו    בוזה דרכיו יומת (ימות) br 17יז   מלוה יהוה חונן דל    וגמלו ישלם-לו br 18יח   יסר בנך כי-יש תקוה    ואל-המיתו אל-תשא נפשך br 19יט   גרל- (גדל-) חמה נשא ענש    כי אם-תציל ועוד תוסף br 20כ   שמע עצה וקבל מוסר--    למען תחכם באחריתך br 21כא   רבות מחשבות בלב-איש    ועצת יהוה היא תקום br 22כב   תאות אדם חסדו    וטוב-רש מאיש כזב br 23כג   יראת יהוה לחיים    ושבע ילין בל-יפקד רע br 24כד   טמן עצל ידו בצלחת    גם-אל-פיהו לא ישיבנה br 25כה   לץ תכה ופתי יערם    והוכיח לנבון יבין דעת br 26כו   משדד-אב יבריח אם--    בן מביש ומחפיר br 27כז   חדל-בני לשמע מוסר    לשגות מאמרי-דעת br 28כח   עד בליעל יליץ משפט    ופי רשעים יבלע-און br 29כט   נכונו ללצים שפטים    ומהלמות לגו כסילים