1א   נבחר שם מעשר רב    מכסף ומזהב חן טוב br 2ב   עשיר ורש נפגשו    עשה כלם יהוה br 3ג   ערום ראה רעה ויסתר (ונסתר)    ופתיים עברו ונענשו br 4ד   עקב ענוה יראת יהוה    עשר וכבוד וחיים br 5ה   צנים פחים בדרך עקש    שומר נפשו ירחק מהם br 6ו   חנך לנער על-פי דרכו--    גם כי-יזקין לא-יסור ממנה br 7ז   עשיר ברשים ימשול    ועבד לוה לאיש מלוה br 8ח   זורע עולה יקצור- (יקצר-) און    ושבט עברתו יכלה br 9ט   טוב-עין הוא יברך    כי-נתן מלחמו לדל br 10י   גרש לץ ויצא מדון    וישבת דין וקלון br 11יא   אהב טהור- (טהר-) לב--    חן שפתיו רעהו מלך br 12יב   עיני יהוה נצרו דעת    ויסלף דברי בגד br 13יג   אמר עצל ארי בחוץ    בתוך רחבות ארצח br 14יד   שוחה עמקה פי זרות    זעום יהוה יפול- (יפל-) שם br 15טו   אולת קשורה בלב-נער    שבט מוסר ירחיקנה ממנו br 16טז   עשק דל להרבות לו--    נתן לעשיר אך-למחסור br 17יז   הט אזנך--ושמע דברי חכמים    ולבך תשית לדעתי br 18יח   כי-נעים כי-תשמרם בבטנך    יכנו יחדו על-שפתיך br 19יט   להיות ביהוה מבטחך--    הודעתיך היום אף-אתה br 20כ   הלא כתבתי לך שלשום (שלשים)--    במעצות ודעת br 21כא   להודיעך--קשט אמרי אמת    להשיב אמרים אמת לשלחיך br 22כב   אל-תגזל-דל כי דל-הוא    ואל-תדכא עני בשער br 23כג   כי-יהוה יריב ריבם    וקבע את-קבעיהם נפש br 24כד   אל-תתרע את-בעל אף    ואת-איש חמות לא תבוא br 25כה   פן-תאלף ארחתו    ולקחת מוקש לנפשך br 26כו   אל-תהי בתקעי-כף    בערבים משאות br 27כז   אם-אין-לך לשלם--    למה יקח משכבך מתחתיך br 28כח   אל-תסג גבול עולם--    אשר עשו אבותיך br 29כט   חזית איש מהיר במלאכתו--    לפני-מלכים יתיצב br בל-יתיצב    לפני חשכים