1א   דברי אגור בן-יקה--המשא    נאם הגבר לאיתיאל לאיתיאל ואכל br 2ב   כי בער אנכי מאיש    ולא-בינת אדם לי br 3ג   ולא-למדתי חכמה    ודעת קדשים אדע br 4ד   מי עלה-שמים    וירד br מי אסף-רוח בחפניו    מי צרר-מים בשמלה-- br מי    הקים כל-אפסי-ארץ br מה-שמו ומה-שם-בנו    כי תדע br 5ה   כל-אמרת אלוה צרופה    מגן הוא לחסים בו br 6ו   אל-תוסף על-דבריו    פן-יוכיח בך ונכזבת 7ז   שתים שאלתי מאתך    אל-תמנע ממני בטרם אמות br 8ח   שוא ודבר-כזב הרחק ממני--    ראש ועשר אל-תתן-לי br הטריפני    לחם חקי br 9ט   פן אשבע וכחשתי--    ואמרתי מי יהוה br ופן-אורש וגנבתי    ותפשתי שם אלהי 10י   אל-תלשן עבד אל-אדנו    פן-יקללך ואשמת br 11יא   דור אביו יקלל    ואת-אמו לא יברך br 12יב   דור טהור בעיניו    ומצאתו לא רחץ br 13יג   דור מה-רמו עיניו    ועפעפיו ינשאו br 14יד   דור חרבות שניו--    ומאכלות מתלעתיו br לאכל עניים מארץ    ואביונים מאדם br 15טו   לעלוקה שתי בנות--    ה ב הב br שלוש הנה לא תשבענה    ארבע לא-אמרו הון br 16טז   שאול ועצר-רחם    ארץ לא-שבעה מים ואש לא-אמרה הון br 17יז   עין תלעג לאב--    ותבז ליקהת-אם br יקרוה ערבי-נחל    ויאכלוה בני-נשר 18יח   שלשה המה נפלאו ממני    וארבע (וארבעה) לא ידעתים br 19יט   דרך הנשר בשמים--    דרך נחש עלי-צור br דרך-אניה בלב-ים--    ודרך גבר בעלמה br 20כ   כן דרך אשה--    מנאפת br אכלה ומחתה פיה    ואמרה לא-פעלתי און 21כא   תחת שלוש רגזה ארץ    ותחת ארבע לא-תוכל שאת br 22כב   תחת-עבד כי ימלוך    ונבל כי ישבע-לחם br 23כג   תחת שנואה כי תבעל    ושפחה כי תירש גברתה 24כד   ארבעה הם קטני-ארץ    והמה חכמים מחכמים br 25כה   הנמלים עם לא-עז    ויכינו בקיץ לחמם br 26כו   שפנים עם לא-עצום    וישימו בסלע ביתם br 27כז   מלך אין לארבה    ויצא חצץ כלו br 28כח   שממית בידים תתפש    והיא בהיכלי מלך 29כט   שלשה המה מיטיבי צעד    וארבעה מיטבי לכת br 30ל   ליש גבור בבהמה    ולא-ישוב מפני-כל br 31לא   זרזיר מתנים או-תיש    ומלך אלקום עמו br 32לב   אם-נבלת בהתנשא    ואם-זמות יד לפה br 33לג   כי מיץ חלב יוציא חמאה--    ומיץ-אף יוציא דם br ומיץ אפים    יוציא ריב