1א ברכי נפשי את-יהוה br יהוה אלהי גדלת מאד הוד והדר לבשת br 2ב עטה-אור כשלמה נוטה שמים כיריעה br 3ג המקרה במים עליותיו br השם-עבים רכובו המהלך על-כנפי-רוח br 4ד עשה מלאכיו רוחות משרתיו אש להט br 5ה יסד-ארץ על-מכוניה בל-תמוט עולם ועד br 6ו תהום כלבוש כסיתו על-הרים יעמדו מים br 7ז מן-גערתך ינוסון מן-קול רעמך יחפזון br 8ח יעלו הרים ירדו בקעות-- אל-מקום זה יסדת להם br 9ט גבול-שמת בל-יעברון בל-ישבון לכסות הארץ br 10י המשלח מעינים בנחלים בין הרים יהלכון br 11יא ישקו כל-חיתו שדי ישברו פראים צמאם br 12יב עליהם עוף-השמים ישכון מבין עפאים יתנו-קול br 13יג משקה הרים מעליותיו מפרי מעשיך תשבע הארץ br 14יד מצמיח חציר לבהמה ועשב לעבדת האדם br להוציא לחם מן-הארץ br 15טו ויין ישמח לבב-אנוש-- להצהיל פנים משמן br ולחם לבב-אנוש יסעד br 16טז ישבעו עצי יהוה-- ארזי לבנון אשר נטע br 17יז אשר-שם צפרים יקננו חסידה ברושים ביתה br 18יח הרים הגבהים ליעלים סלעים מחסה לשפנים br 19יט עשה ירח למועדים שמש ידע מבואו br 20כ תשת-חשך ויהי לילה-- בו-תרמש כל-חיתו-יער br 21כא הכפירים שאגים לטרף ולבקש מאל אכלם br 22כב תזרח השמש יאספון ואל-מעונתם ירבצון br 23כג יצא אדם לפעלו ולעבדתו עדי-ערב br 24כד מה-רבו מעשיך יהוה-- כלם בחכמה עשית br מלאה הארץ קנינך br 25כה זה הים גדול-- ורחב ידים br שם-רמש ואין מספר חיות קטנות עם-גדלות br 26כו שם אניות יהלכון לויתן זה-יצרת לשחק-בו br 27כז כלם אליך ישברון-- לתת אכלם בעתו br 28כח תתן להם ילקטון תפתח ידך ישבעון טוב br 29כט תסתיר פניך יבהלון br תסף רוחם יגועון ואל-עפרם ישובון br 30ל תשלח רוחך יבראון ותחדש פני אדמה br 31לא יהי כבוד יהוה לעולם ישמח יהוה במעשיו br 32לב המביט לארץ ותרעד יגע בהרים ויעשנו br 33לג אשירה ליהוה בחיי אזמרה לאלהי בעודי br 34לד יערב עליו שיחי אנכי אשמח ביהוה br 35לה יתמו חטאים מן-הארץ ורשעים עוד אינם-- br ברכי נפשי את-יהוה br הללו-יה