1א הדו ליהוה כי-טוב כי לעולם חסדו br 2ב יאמרו גאולי יהוה-- אשר גאלם מיד-צר br 3ג ומארצות קבצם ממזרח וממערב מצפון ומים br 4ד תעו במדבר בישימון דרך עיר מושב לא מצאו br 5ה רעבים גם-צמאים-- נפשם בהם תתעטף br 6ו ויצעקו אל-יהוה בצר להם ממצוקותיהם יצילם br 7ז וידריכם בדרך ישרה-- ללכת אל-עיר מושב br 8ח יודו ליהוה חסדו ונפלאותיו לבני אדם br 9ט כי-השביע נפש שקקה ונפש רעבה מלא-טוב br 10י ישבי חשך וצלמות אסירי עני וברזל br 11יא כי-המרו אמרי-אל ועצת עליון נאצו br 12יב ויכנע בעמל לבם כשלו ואין עזר br 13יג ויזעקו אל-יהוה בצר להם ממצקותיהם יושיעם br 14יד יוציאם מחשך וצלמות ומוסרותיהם ינתק br 15טו יודו ליהוה חסדו ונפלאותיו לבני אדם br 16טז כי-שבר דלתות נחשת ובריחי ברזל גדע br 17יז אולים מדרך פשעם ומעונתיהם יתענו br 18יח כל-אכל תתעב נפשם ויגיעו עד-שערי מות br 19יט ויזעקו אל-יהוה בצר להם ממצקותיהם יושיעם br 20כ ישלח דברו וירפאם וימלט משחיתותם br 21כא יודו ליהוה חסדו ונפלאותיו לבני אדם br 22כב ויזבחו זבחי תודה ויספרו מעשיו ברנה br 23כג ] יורדי הים באניות עשי מלאכה במים רבים br 24כד ] המה ראו מעשי יהוה ונפלאותיו במצולה br 25כה ] ויאמר--ויעמד רוח סערה ותרומם גליו br 26כו ] יעלו שמים ירדו תהומות נפשם ברעה תתמוגג br 27כז ] יחוגו וינועו כשכור וכל-חכמתם תתבלע br 28כח ] ויצעקו אל-יהוה בצר להם וממצוקתיהם יוציאם br 29כט יקם סערה לדממה ויחשו גליהם br 30ל וישמחו כי-ישתקו וינחם אל-מחוז חפצם br 31לא יודו ליהוה חסדו ונפלאותיו לבני אדם br 32לב וירוממוהו בקהל-עם ובמושב זקנים יהללוהו br 33לג ישם נהרות למדבר ומצאי מים לצמאון br 34לד ארץ פרי למלחה מרעת יושבי בה br 35לה ישם מדבר לאגם-מים וארץ ציה למצאי מים br 36לו ויושב שם רעבים ויכוננו עיר מושב br 37לז ויזרעו שדות ויטעו כרמים ויעשו פרי תבואה br 38לח ויברכם וירבו מאד ובהמתם לא ימעיט br 39לט וימעטו וישחו-- מעצר רעה ויגון br 40מ ] שפך בוז על-נדיבים ויתעם בתהו לא-דרך br 41מא וישגב אביון מעוני וישם כצאן משפחות br 42מב יראו ישרים וישמחו וכל-עולה קפצה פיה br 43מג מי-חכם וישמר-אלה ויתבוננו חסדי יהוה