1א למנצח לדוד מזמור br אלהי תהלתי אל-תחרש br 2ב כי פי רשע ופי-מרמה--עלי פתחו דברו אתי לשון שקר br 3ג ודברי שנאה סבבוני וילחמוני חנם br 4ד תחת-אהבתי ישטנוני ואני תפלה br 5ה וישימו עלי רעה תחת טובה ושנאה תחת אהבתי br 6ו הפקד עליו רשע ושטן יעמד על-ימינו br 7ז בהשפטו יצא רשע ותפלתו תהיה לחטאה br 8ח יהיו-ימיו מעטים פקדתו יקח אחר br 9ט יהיו-בניו יתומים ואשתו אלמנה br 10י ונוע ינועו בניו ושאלו ודרשו מחרבותיהם br 11יא ינקש נושה לכל-אשר-לו ויבזו זרים יגיעו br 12יב אל-יהי-לו משך חסד ואל-יהי חונן ליתומיו br 13יג יהי-אחריתו להכרית בדור אחר ימח שמם br 14יד יזכר עון אבתיו--אל-יהוה וחטאת אמו אל-תמח br 15טו יהיו נגד-יהוה תמיד ויכרת מארץ זכרם br 16טז יען-- אשר לא זכר עשות חסד br וירדף איש-עני ואביון--ונכאה לבב למותת br 17יז ויאהב קללה ותבואהו ולא-חפץ בברכה ותרחק ממנו br 18יח וילבש קללה כמדו ותבא כמים בקרבו וכשמן בעצמותיו br 19יט תהי-לו כבגד יעטה ולמזח תמיד יחגרה br 20כ זאת פעלת שטני מאת יהוה והדברים רע על-נפשי br 21כא ואתה יהוה אדני-- עשה-אתי למען שמך br כי-טוב חסדך הצילני br 22כב כי-עני ואביון אנכי ולבי חלל בקרבי br 23כג כצל-כנטותו נהלכתי ננערתי כארבה br 24כד ברכי כשלו מצום ובשרי כחש משמן br 25כה ואני הייתי חרפה להם יראוני יניעון ראשם br 26כו עזרני יהוה אלהי הושיעני כחסדך br 27כז וידעו כי-ידך זאת אתה יהוה עשיתה br 28כח יקללו-המה ואתה תברך קמו ויבשו--ועבדך ישמח br 29כט ילבשו שוטני כלמה ויעטו כמעיל בשתם br 30ל אודה יהוה מאד בפי ובתוך רבים אהללנו br 31לא כי-יעמד לימין אביון-- להושיע משפטי נפשו