1א   אהבתי כי-ישמע יהוה--    את-קולי תחנוני br 2ב   כי-הטה אזנו לי    ובימי אקרא br 3ג   אפפוני חבלי-מות--ומצרי שאול מצאוני    צרה ויגון אמצא br 4ד   ובשם-יהוה אקרא    אנה יהוה מלטה נפשי br 5ה   חנון יהוה וצדיק    ואלהינו מרחם br 6ו   שמר פתאים יהוה    דלתי ולי יהושיע br 7ז   שובי נפשי למנוחיכי    כי-יהוה גמל עליכי br 8ח   כי חלצת נפשי ממות    את-עיני מן-דמעה את-רגלי מדחי br 9ט   אתהלך לפני יהוה--    בארצות החיים br 10י   האמנתי כי אדבר    אני עניתי מאד br 11יא   אני אמרתי בחפזי    כל-האדם כזב br 12יב   מה-אשיב ליהוה--    כל-תגמולוהי עלי br 13יג   כוס-ישועות אשא    ובשם יהוה אקרא br 14יד   נדרי ליהוה אשלם    נגדה-נא לכל-עמו br 15טו   יקר בעיני יהוה--    המותה לחסידיו br 16טז   אנה יהוה    כי-אני עבדך br אני-עבדך בן-אמתך    פתחת למוסרי br 17יז   לך-אזבח זבח תודה    ובשם יהוה אקרא br 18יח   נדרי ליהוה אשלם    נגדה-נא לכל-עמו br 19יט   בחצרות בית יהוה--    בתוככי ירושלם br הללו-יה