1א הללו-יה br כי-טוב זמרה אלהינו-- כי-נעים נאוה תהלה br 2ב בונה ירושלם יהוה נדחי ישראל יכנס br 3ג הרפא לשבורי לב ומחבש לעצבותם br 4ד מונה מספר לכוכבים לכלם שמות יקרא br 5ה גדול אדונינו ורב-כח לתבונתו אין מספר br 6ו מעודד ענוים יהוה משפיל רשעים עדי-ארץ br 7ז ענו ליהוה בתודה זמרו לאלהינו בכנור br 8ח המכסה שמים בעבים-- המכין לארץ מטר br המצמיח הרים חציר br 9ט נותן לבהמה לחמה לבני ערב אשר יקראו br 10י לא בגבורת הסוס יחפץ לא-בשוקי האיש ירצה br 11יא רוצה יהוה את-יראיו-- את-המיחלים לחסדו br 12יב שבחי ירושלם את-יהוה הללי אלהיך ציון br 13יג כי-חזק בריחי שעריך ברך בניך בקרבך br 14יד השם-גבולך שלום חלב חטים ישביעך br 15טו השלח אמרתו ארץ עד-מהרה ירוץ דברו br 16טז הנתן שלג כצמר כפור כאפר יפזר br 17יז משליך קרחו כפתים לפני קרתו מי יעמד br 18יח ישלח דברו וימסם ישב רוחו יזלו-מים br 19יט מגיד דברו ליעקב חקיו ומשפטיו לישראל br 20כ לא עשה כן לכל-גוי-- ומשפטים בל-ידעום br הללו-יה