1א למנצח לעבד יהוה--לדוד br אשר דבר ליהוה את-דברי השירה הזאת-- br ביום הציל-יהוה אותו מכף כל-איביו ומיד שאול br 2ב ויאמר-- ארחמך יהוה חזקי br 3ג יהוה סלעי ומצודתי-- ומפלטי br אלי צורי אחסה-בו מגני וקרן-ישעי משגבי br 4ד מהלל אקרא יהוה ומן-איבי אושע br 5ה אפפוני חבלי-מות ונחלי בליעל יבעתוני br 6ו חבלי שאול סבבוני קדמוני מוקשי מות br 7ז בצר-לי אקרא יהוה-- ואל-אלהי אשוע br ישמע מהיכלו קולי ושועתי לפניו תבוא באזניו br 8ח ותגעש ותרעש הארץ-- ומוסדי הרים ירגזו br ויתגעשו כי-חרה לו br 9ט עלה עשן באפו-- ואש-מפיו תאכל br גחלים בערו ממנו br 10י ויט שמים וירד וערפל תחת רגליו br 11יא וירכב על-כרוב ויעף וידא על-כנפי-רוח br 12יב ישת חשך סתרו-- סביבותיו סכתו br חשכת-מים עבי שחקים br 13יג מנגה נגדו עביו עברו--ברד וגחלי-אש br 14יד וירעם בשמים יהוה--ועליון יתן קלו ברד וגחלי-אש br 15טו וישלח חציו ויפיצם וברקים רב ויהמם br 16טז ויראו אפיקי מים ויגלו מוסדות תבל br מגערתך יהוה-- מנשמת רוח אפך br 17יז ישלח ממרום יקחני ימשני ממים רבים br 18יח יצילני מאיבי עז ומשנאי כי-אמצו ממני br 19יט יקדמוני ביום-אידי ויהי-יהוה למשען לי br 20כ ויוציאני למרחב יחלצני כי חפץ בי br 21כא יגמלני יהוה כצדקי כבר ידי ישיב לי br 22כב כי-שמרתי דרכי יהוה ולא-רשעתי מאלהי br 23כג כי כל-משפטיו לנגדי וחקתיו לא-אסיר מני br 24כד ואהי תמים עמו ואשתמר מעוני br 25כה וישב-יהוה לי כצדקי כבר ידי לנגד עיניו br 26כו עם-חסיד תתחסד עם-גבר תמים תתמם br 27כז עם-נבר תתברר ועם-עקש תתפתל br 28כח כי-אתה עם-עני תושיע ועינים רמות תשפיל br 29כט כי-אתה תאיר נרי יהוה אלהי יגיה חשכי br 30ל כי-בך ארץ גדוד ובאלהי אדלג-שור br 31לא האל תמים דרכו br אמרת-יהוה צרופה מגן הוא לכל החסים בו br 32לב כי מי אלוה מבלעדי יהוה ומי צור זולתי אלהינו br 33לג האל המאזרני חיל ויתן תמים דרכי br 34לד משוה רגלי כאילות ועל במתי יעמידני br 35לה מלמד ידי למלחמה ונחתה קשת-נחושה זרועתי br 36לו ותתן-לי מגן ישעך וימינך תסעדני וענותך תרבני br 37לז תרחיב צעדי תחתי ולא מעדו קרסלי br 38לח ארדוף אויבי ואשיגם ולא-אשוב עד-כלותם br 39לט אמחצם ולא-יכלו קום יפלו תחת רגלי br 40מ ותאזרני חיל למלחמה תכריע קמי תחתי br 41מא ואיבי נתתה לי ערף ומשנאי אצמיתם br 42מב ישועו ואין-מושיע על-יהוה ולא ענם br 43מג ואשחקם כעפר על-פני-רוח כטיט חוצות אריקם br 44מד תפלטני מריבי-עם תשימני לראש גוים עם לא-ידעתי יעבדוני br 45מה לשמע אזן ישמעו לי בני-נכר יכחשו-לי br 46מו בני-נכר יבלו ויחרגו ממסגרותיהם br 47מז חי-יהוה וברוך צורי וירום אלוהי ישעי br 48מח האל--הנותן נקמות לי וידבר עמים תחתי br 49מט מפלטי מאיבי אף מן-קמי תרוממני מאיש חמס תצילני br 50נ על-כן אודך בגוים יהוה ולשמך אזמרה br [ (Psalms 18:51) נא מגדל ישועות מלכו br ועשה חסד למשיחו--לדוד ולזרעו עד-עולם ]