1א למנצח לבני-קרח-- על-עלמות שיר br 2ב אלהים לנו מחסה ועז עזרה בצרות נמצא מאד br 3ג על-כן לא-נירא בהמיר ארץ ובמוט הרים בלב ימים br 4ד יהמו יחמרו מימיו ירעשו הרים בגאותו סלה br 5ה נהר--פלגיו ישמחו עיר-אלהים קדש משכני עליון br 6ו אלהים בקרבה בל-תמוט יעזרה אלהים לפנות בקר br 7ז המו גוים מטו ממלכות נתן בקולו תמוג ארץ br 8ח יהוה צבאות עמנו משגב-לנו אלהי יעקב סלה br 9ט לכו-חזו מפעלות יהוה-- אשר-שם שמות בארץ br 10י משבית מלחמות עד-קצה הארץ br קשת ישבר וקצץ חנית עגלות ישרף באש br 11יא הרפו ודעו כי-אנכי אלהים ארום בגוים ארום בארץ br [ (Psalms 46:12) יב יהוה צבאות עמנו משגב-לנו אלהי יעקב סלה ]