1א מזמור לאסף br אל אלהים יהוה-- דבר ויקרא-ארץ br ממזרח-שמש עד-מבאו br 2ב מציון מכלל-יפי-- אלהים הופיע br 3ג יבא אלהינו ואל-יחרש br אש-לפניו תאכל וסביביו נשערה מאד br 4ד יקרא אל-השמים מעל ואל-הארץ לדין עמו br 5ה אספו-לי חסידי-- כרתי בריתי עלי-זבח br 6ו ויגידו שמים צדקו כי-אלהים שפט הוא סלה br 7ז שמעה עמי ואדברה-- ישראל ואעידה בך br אלהים אלהיך אנכי br 8ח לא על-זבחיך אוכיחך ועולתיך לנגדי תמיד br 9ט לא-אקח מביתך פר ממכלאתיך עתודים br 10י כי-לי כל-חיתו-יער בהמות בהררי-אלף br 11יא ידעתי כל-עוף הרים וזיז שדי עמדי br 12יב אם-ארעב לא-אמר לך כי-לי תבל ומלאה br 13יג האוכל בשר אבירים ודם עתודים אשתה br 14יד זבח לאלהים תודה ושלם לעליון נדריך br 15טו וקראני ביום צרה אחלצך ותכבדני br 16טז ולרשע אמר אלהים מה-לך לספר חקי ותשא בריתי עלי-פיך br 17יז ואתה שנאת מוסר ותשלך דברי אחריך br 18יח אם-ראית גנב ותרץ עמו ועם מנאפים חלקך br 19יט פיך שלחת ברעה ולשונך תצמיד מרמה br 20כ תשב באחיך תדבר בבן-אמך תתן-דפי br 21כא אלה עשית והחרשתי-- דמית היות-אהיה כמוך br אוכיחך ואערכה לעיניך br 22כב בינו-נא זאת שכחי אלוה פן-אטרף ואין מציל br 23כג זבח תודה יכבדנני ושם דרך--אראנו בישע אלהים