1א   למנצח מזמור לדוד br 2ב   בבוא-אליו נתן הנביא--    כאשר-בא אל-בת-שבע br 3ג   חנני אלהים כחסדך    כרב רחמיך מחה פשעי br 4ד   הרבה (הרב) כבסני מעוני    ומחטאתי טהרני br 5ה   כי-פשעי אני אדע    וחטאתי נגדי תמיד br 6ו   לך לבדך חטאתי    והרע בעיניך עשיתי br למען תצדק בדברך--    תזכה בשפטך br 7ז   הן-בעוון חוללתי    ובחטא יחמתני אמי br 8ח   הן-אמת חפצת בטחות    ובסתם חכמה תודיעני br 9ט   תחטאני באזוב ואטהר    תכבסני ומשלג אלבין br 10י   תשמיעני ששון ושמחה    תגלנה עצמות דכית br 11יא   הסתר פניך מחטאי    וכל-עונתי מחה br 12יב   לב טהור ברא-לי אלהים    ורוח נכון חדש בקרבי br 13יג   אל-תשליכני מלפניך    ורוח קדשך אל-תקח ממני br 14יד   השיבה לי ששון ישעך    ורוח נדיבה תסמכני br 15טו   אלמדה פשעים דרכיך    וחטאים אליך ישובו br 16טז   הצילני מדמים אלהים--    אלהי תשועתי br תרנן לשוני    צדקתך br 17יז   אדני שפתי תפתח    ופי יגיד תהלתך br 18יח   כי לא-תחפץ זבח ואתנה    עולה לא תרצה br 19יט   זבחי אלהים    רוח נשברה br לב-נשבר ונדכה--    אלהים לא תבזה br [ (Psalms 51:20) כ   היטיבה ברצונך את-ציון    תבנה חומות ירושלם br ] [ (Psalms 51:21) כא   אז תחפץ זבחי-צדק    עולה וכליל br אז יעלו על-מזבחך    פרים ]