1א למנצח מזמור לדוד שיר br 2ב לך דמיה תהלה אלהים בציון ולך ישלם-נדר br 3ג שמע תפלה-- עדיך כל-בשר יבאו br 4ד דברי עונת גברו מני פשעינו אתה תכפרם br 5ה אשרי תבחר ותקרב-- ישכן חצריך br נשבעה בטוב ביתך קדש היכלך br 6ו נוראות בצדק תעננו-- אלהי ישענו br מבטח כל-קצוי-ארץ וים רחקים br 7ז מכין הרים בכחו נאזר בגבורה br 8ח משביח שאון ימים--שאון גליהם והמון לאמים br 9ט וייראו ישבי קצות--מאותתיך מוצאי בקר וערב תרנין br 10י פקדת הארץ ותשקקה רבת תעשרנה-- פלג אלהים מלא מים br תכין דגנם כי-כן תכינה br 11יא תלמיה רוה נחת גדודה ברביבים תמגגנה צמחה תברך br 12יב עטרת שנת טובתך ומעגליך ירעפון דשן br 13יג ירעפו נאות מדבר וגיל גבעות תחגרנה br [ (Psalms 65:14) יד לבשו כרים הצאן-- ועמקים יעטפו-בר br יתרועעו אף-ישירו ]