1א למנצח על-שושנים לדוד br 2ב הושיעני אלהים-- כי באו מים עד-נפש br 3ג טבעתי ביון מצולה-- ואין מעמד br באתי במעמקי-מים ושבלת שטפתני br 4ד יגעתי בקראי נחר גרוני כלו עיני--מיחל לאלהי br 5ה רבו משערות ראשי-- שנאי חנם br עצמו מצמיתי איבי שקר-- אשר לא-גזלתי אז אשיב br 6ו אלהים--אתה ידעת לאולתי ואשמותי ממך לא-נכחדו br 7ז אל-יבשו בי קויך-- אדני יהוה צבאות br אל-יכלמו בי מבקשיך-- אלהי ישראל br 8ח כי-עליך נשאתי חרפה כסתה כלמה פני br 9ט מוזר הייתי לאחי ונכרי לבני אמי br 10י כי-קנאת ביתך אכלתני וחרפות חורפיך נפלו עלי br 11יא ואבכה בצום נפשי ותהי לחרפות לי br 12יב ואתנה לבושי שק ואהי להם למשל br 13יג ישיחו בי ישבי שער ונגינות שותי שכר br 14יד ואני תפלתי-לך יהוה עת רצון-- אלהים ברב-חסדך br ענני באמת ישעך br 15טו הצילני מטיט ואל-אטבעה אנצלה משנאי וממעמקי מים br 16טז אל-תשטפני שבלת מים-- ואל-תבלעני מצולה br ואל-תאטר-עלי באר פיה br 17יז ענני יהוה כי-טוב חסדך כרב רחמיך פנה אלי br 18יח ואל-תסתר פניך מעבדך כי-צר-לי מהר ענני br 19יט קרבה אל-נפשי גאלה למען איבי פדני br 20כ אתה ידעת--חרפתי ובשתי וכלמתי נגדך כל-צוררי br 21כא חרפה שברה לבי-- ואנושה br ואקוה לנוד ואין ולמנחמים ולא מצאתי br 22כב ויתנו בברותי ראש ולצמאי ישקוני חמץ br 23כג יהי-שלחנם לפניהם לפח ולשלומים למוקש br 24כד תחשכנה עיניהם מראות ומתניהם תמיד המעד br 25כה שפך-עליהם זעמך וחרון אפך ישיגם br 26כו תהי-טירתם נשמה באהליהם אל-יהי ישב br 27כז כי-אתה אשר-הכית רדפו ואל-מכאוב חלליך יספרו br 28כח תנה-עון על-עונם ואל-יבאו בצדקתך br 29כט ימחו מספר חיים ועם צדיקים אל-יכתבו br 30ל ואני עני וכואב ישועתך אלהים תשגבני br 31לא אהללה שם-אלהים בשיר ואגדלנו בתודה br 32לב ותיטב ליהוה משור פר מקרן מפריס br 33לג ראו ענוים ישמחו דרשי אלהים ויחי לבבכם br 34לד כי-שמע אל-אביונים יהוה ואת-אסיריו לא בזה br 35לה יהללוהו שמים וארץ ימים וכל-רמש בם br 36לו כי אלהים יושיע ציון ויבנה ערי יהודה וישבו שם וירשוה br [ (Psalms 69:37) לז וזרע עבדיו ינחלוה ואהבי שמו ישכנו-בה ]