1א שגיון לדוד אשר-שר ליהוה--על-דברי-כוש בן-ימיני br 2ב יהוה אלהי בך חסיתי הושיעני מכל-רדפי והצילני br 3ג פן-יטרף כאריה נפשי פרק ואין מציל br 4ד יהוה אלהי אם-עשיתי זאת אם-יש-עול בכפי br 5ה אם-גמלתי שולמי רע ואחלצה צוררי ריקם br 6ו ירדף אויב נפשי וישג--וירמס לארץ חיי וכבודי לעפר ישכן סלה br 7ז קומה יהוה באפך--הנשא בעברות צוררי ועורה אלי משפט צוית br 8ח ועדת לאמים תסובבך ועליה למרום שובה br 9ט יהוה ידין עמים שפטני יהוה כצדקי וכתמי עלי br 10י יגמר נא רע רשעים-- ותכונן צדיק br ובחן לבות וכליות-- אלהים צדיק br 11יא מגני על-אלהים מושיע ישרי-לב br 12יב אלהים שופט צדיק ואל זעם בכל-יום br 13יג אם-לא ישוב חרבו ילטוש קשתו דרך ויכוננה br 14יד ולו הכין כלי מות חציו לדלקים יפעל br 15טו הנה יחבל-און והרה עמל וילד שקר br 16טז בור כרה ויחפרהו ויפל בשחת יפעל br 17יז ישוב עמלו בראשו ועל קדקדו חמסו ירד br [ (Psalms 7:18) יח אודה יהוה כצדקו ואזמרה שם-יהוה עליון ]