1א משכיל לאסף br למה אלהים זנחת לנצח יעשן אפך בצאן מרעיתך br 2ב זכר עדתך קנית קדם-- גאלת שבט נחלתך br הר-ציון זה שכנת בו br 3ג הרימה פעמיך למשאות נצח כל-הרע אויב בקדש br 4ד שאגו צרריך בקרב מועדך שמו אותתם אתות br 5ה יודע כמביא למעלה בסבך-עץ קרדמות br 6ו ועת (ועתה) פתוחיה יחד-- בכשיל וכילפות יהלמון br 7ז שלחו באש מקדשך לארץ חללו משכן-שמך br 8ח אמרו בלבם נינם יחד שרפו כל-מועדי-אל בארץ br 9ט אותתינו לא ראינו אין-עוד נביא ולא-אתנו ידע עד-מה br 10י עד-מתי אלהים יחרף צר ינאץ אויב שמך לנצח br 11יא למה תשיב ידך וימינך מקרב חוקך (חיקך) כלה br 12יב ואלהים מלכי מקדם פעל ישועות בקרב הארץ br 13יג אתה פוררת בעזך ים שברת ראשי תנינים על-המים br 14יד אתה רצצת ראשי לויתן תתננו מאכל לעם לציים br 15טו אתה בקעת מעין ונחל אתה הובשת נהרות איתן br 16טז לך יום אף-לך לילה אתה הכינות מאור ושמש br 17יז אתה הצבת כל-גבולות ארץ קיץ וחרף אתה יצרתם br 18יח זכר-זאת--אויב חרף יהוה ועם נבל נאצו שמך br 19יט אל-תתן לחית נפש תורך חית ענייך אל-תשכח לנצח br 20כ הבט לברית כי מלאו מחשכי-ארץ נאות חמס br 21כא אל-ישב דך נכלם עני ואביון יהללו שמך br 22כב קומה אלהים ריבה ריבך זכר חרפתך מני-נבל כל-היום br 23כג אל-תשכח קול צרריך שאון קמיך עלה תמיד