1א משכיל לאסף br האזינה עמי תורתי הטו אזנכם לאמרי-פי br 2ב אפתחה במשל פי אביעה חידות מני-קדם br 3ג אשר שמענו ונדעם ואבותינו ספרו-לנו br 4ד לא נכחד מבניהם-- לדור אחרון מספרים תהלות יהוה br ועזוזו ונפלאתיו אשר עשה br 5ה ויקם עדות ביעקב ותורה שם בישראל br אשר צוה את-אבותינו-- להודיעם לבניהם br 6ו למען ידעו דור אחרון--בנים יולדו יקמו ויספרו לבניהם br 7ז וישימו באלהים כסלם ולא ישכחו מעללי-אל ומצותיו ינצרו br 8ח ולא יהיו כאבותם-- דור סורר ומרה br דור לא-הכין לבו ולא-נאמנה את-אל רוחו br 9ט בני-אפרים נושקי רומי-קשת הפכו ביום קרב br 10י לא שמרו ברית אלהים ובתורתו מאנו ללכת br 11יא וישכחו עלילותיו ונפלאותיו אשר הראם br 12יב נגד אבותם עשה פלא בארץ מצרים שדה-צען br 13יג בקע ים ויעבירם ויצב-מים כמו-נד br 14יד וינחם בענן יומם וכל-הלילה באור אש br 15טו יבקע צרים במדבר וישק כתהמות רבה br 16טז ויוצא נוזלים מסלע ויורד כנהרות מים br 17יז ויוסיפו עוד לחטא-לו-- למרות עליון בציה br 18יח וינסו-אל בלבבם-- לשאל-אכל לנפשם br 19יט וידברו באלהים אמרו היוכל אל--לערך שלחן במדבר br 20כ הן הכה-צור ויזובו מים-- ונחלים ישטפו br הגם-לחם יוכל תת אם-יכין שאר לעמו br 21כא לכן שמע יהוה-- ויתעבר br ואש נשקה ביעקב וגם-אף עלה בישראל br 22כב כי לא האמינו באלהים ולא בטחו בישועתו br 23כג ויצו שחקים ממעל ודלתי שמים פתח br 24כד וימטר עליהם מן לאכל ודגן-שמים נתן למו br 25כה לחם אבירים אכל איש צידה שלח להם לשבע br 26כו יסע קדים בשמים וינהג בעזו תימן br 27כז וימטר עליהם כעפר שאר וכחול ימים עוף כנף br 28כח ויפל בקרב מחנהו סביב למשכנתיו br 29כט ויאכלו וישבעו מאד ותאותם יבא להם br 30ל לא-זרו מתאותם עוד אכלם בפיהם br 31לא ואף אלהים עלה בהם ויהרג במשמניהם br ובחורי ישראל הכריע br 32לב בכל-זאת חטאו-עוד ולא-האמינו בנפלאותיו br 33לג ויכל-בהבל ימיהם ושנותם בבהלה br 34לד אם-הרגם ודרשוהו ושבו ושחרו-אל br 35לה ויזכרו כי-אלהים צורם ואל עליון גאלם br 36לו ויפתוהו בפיהם ובלשונם יכזבו-לו br 37לז ולבם לא-נכון עמו ולא נאמנו בבריתו br 38לח והוא רחום יכפר עון-- ולא-ישחית br והרבה להשיב אפו ולא-יעיר כל-חמתו br 39לט ויזכר כי-בשר המה רוח הולך ולא ישוב br 40מ כמה ימרוהו במדבר יעציבוהו בישימון br 41מא וישובו וינסו אל וקדוש ישראל התוו br 42מב לא-זכרו את-ידו יום אשר-פדם מני-צר br 43מג אשר-שם במצרים אתותיו ומופתיו בשדה-צען br 44מד ויהפך לדם יאריהם ונזליהם בל-ישתיון br 45מה ישלח בהם ערב ויאכלם וצפרדע ותשחיתם br 46מו ויתן לחסיל יבולם ויגיעם לארבה br 47מז יהרג בברד גפנם ושקמותם בחנמל br 48מח ויסגר לברד בעירם ומקניהם לרשפים br 49מט ישלח-בם חרון אפו--עברה וזעם וצרה משלחת מלאכי רעים br 50נ יפלס נתיב לאפו לא-חשך ממות נפשם וחיתם לדבר הסגיר br 51נא ויך כל-בכור במצרים ראשית אונים באהלי-חם br 52נב ויסע כצאן עמו וינהגם כעדר במדבר br 53נג וינחם לבטח ולא פחדו ואת-אויביהם כסה הים br 54נד ויביאם אל-גבול קדשו הר-זה קנתה ימינו br 55נה ויגרש מפניהם גוים-- ויפילם בחבל נחלה br וישכן באהליהם שבטי ישראל br 56נו וינסו וימרו את-אלהים עליון ועדותיו לא שמרו br 57נז ויסגו ויבגדו כאבותם נהפכו כקשת רמיה br 58נח ויכעיסוהו בבמותם ובפסיליהם יקניאוהו br 59נט שמע אלהים ויתעבר וימאס מאד בישראל br 60ס ויטש משכן שלו אהל שכן באדם br 61סא ויתן לשבי עזו ותפארתו ביד-צר br 62סב ויסגר לחרב עמו ובנחלתו התעבר br 63סג בחוריו אכלה-אש ובתולתיו לא הוללו br 64סד כהניו בחרב נפלו ואלמנתיו לא תבכינה br 65סה ויקץ כישן אדני כגבור מתרונן מיין br 66סו ויך-צריו אחור חרפת עולם נתן למו br 67סז וימאס באהל יוסף ובשבט אפרים לא בחר br 68סח ויבחר את-שבט יהודה את-הר ציון אשר אהב br 69סט ויבן כמו-רמים מקדשו כארץ יסדה לעולם br 70ע ויבחר בדוד עבדו ויקחהו ממכלאת צאן br 71עא מאחר עלות הביאו לרעות ביעקב עמו ובישראל נחלתו br 72עב וירעם כתם לבבו ובתבונות כפיו ינחם