1א למנצח על-הגתית לאסף br 2ב הרנינו לאלהים עוזנו הריעו לאלהי יעקב br 3ג שאו-זמרה ותנו-תף כנור נעים עם-נבל br 4ד תקעו בחדש שופר בכסה ליום חגנו br 5ה כי חק לישראל הוא משפט לאלהי יעקב br 6ו עדות ביהוסף שמו-- בצאתו על-ארץ מצרים br שפת לא-ידעתי אשמע br 7ז הסירותי מסבל שכמו כפיו מדוד תעברנה br 8ח בצרה קראת ואחלצך br אענך בסתר רעם אבחנך על-מי מריבה סלה br 9ט שמע עמי ואעידה בך ישראל אם-תשמע-לי br 10י לא-יהיה בך אל זר ולא תשתחוה לאל נכר br 11יא אנכי יהוה אלהיך-- המעלך מארץ מצרים br הרחב-פיך ואמלאהו br 12יב ולא-שמע עמי לקולי וישראל לא-אבה לי br 13יג ואשלחהו בשרירות לבם ילכו במועצותיהם br 14יד לו--עמי שמע לי ישראל בדרכי יהלכו br 15טו כמעט אויביהם אכניע ועל צריהם אשיב ידי br 16טז משנאי יהוה יכחשו-לו ויהי עתם לעולם br [ (Psalms 81:17) יז ויאכילהו מחלב חטה ומצור דבש אשביעך ]