1א משכיל לאיתן האזרחי br 2ב חסדי יהוה עולם אשירה לדר ודר אודיע אמונתך בפי br 3ג כי-אמרתי--עולם חסד יבנה שמים תכן אמונתך בהם br 4ד כרתי ברית לבחירי נשבעתי לדוד עבדי br 5ה עד-עולם אכין זרעך ובניתי לדר-ודור כסאך סלה br 6ו ויודו שמים פלאך יהוה אף-אמונתך בקהל קדשים br 7ז כי מי בשחק יערך ליהוה ידמה ליהוה בבני אלים br 8ח אל נערץ בסוד-קדשים רבה ונורא על-כל-סביביו br 9ט יהוה אלהי צבאות--מי-כמוך חסין יה ואמונתך סביבותיך br 10י אתה מושל בגאות הים בשוא גליו אתה תשבחם br 11יא אתה דכאת כחלל רהב בזרוע עזך פזרת אויביך br 12יב לך שמים אף-לך ארץ תבל ומלאה אתה יסדתם br 13יג צפון וימין אתה בראתם תבור וחרמון בשמך ירננו br 14יד לך זרוע עם-גבורה תעז ידך תרום ימינך br 15טו צדק ומשפט מכון כסאך חסד ואמת יקדמו פניך br 16טז אשרי העם ידעי תרועה יהוה באור-פניך יהלכון br 17יז בשמך יגילון כל-היום ובצדקתך ירומו br 18יח כי-תפארת עזמו אתה וברצונך תרים (תרום) קרנינו br 19יט כי ליהוה מגננו ולקדוש ישראל מלכנו br 20כ אז דברת בחזון לחסידיך-- ותאמר שויתי עזר על-גבור br הרימותי בחור מעם br 21כא מצאתי דוד עבדי בשמן קדשי משחתיו br 22כב אשר ידי תכון עמו אף-זרועי תאמצנו br 23כג לא-ישיא אויב בו ובן-עולה לא יעננו br 24כד וכתותי מפניו צריו ומשנאיו אגוף br 25כה ואמונתי וחסדי עמו ובשמי תרום קרנו br 26כו ושמתי בים ידו ובנהרות ימינו br 27כז הוא יקראני אבי אתה אלי וצור ישועתי br 28כח אף-אני בכור אתנהו עליון למלכי-ארץ br 29כט לעולם אשמור- (אשמר-) לו חסדי ובריתי נאמנת לו br 30ל ושמתי לעד זרעו וכסאו כימי שמים br 31לא אם-יעזבו בניו תורתי ובמשפטי לא ילכון br 32לב אם-חקתי יחללו ומצותי לא ישמרו br 33לג ופקדתי בשבט פשעם ובנגעים עונם br 34לד וחסדי לא-אפיר מעמו ולא-אשקר באמונתי br 35לה לא-אחלל בריתי ומוצא שפתי לא אשנה br 36לו אחת נשבעתי בקדשי אם-לדוד אכזב br 37לז זרעו לעולם יהיה וכסאו כשמש נגדי br 38לח כירח יכון עולם ועד בשחק נאמן סלה br 39לט ואתה זנחת ותמאס התעברת עם-משיחך br 40מ נארתה ברית עבדך חללת לארץ נזרו br 41מא פרצת כל-גדרתיו שמת מבצריו מחתה br 42מב שסהו כל-עברי דרך היה חרפה לשכניו br 43מג הרימות ימין צריו השמחת כל-אויביו br 44מד אף-תשיב צור חרבו ולא הקימתו במלחמה br 45מה השבת מטהרו וכסאו לארץ מגרתה br 46מו הקצרת ימי עלומיו העטית עליו בושה סלה br 47מז עד-מה יהוה תסתר לנצח תבער כמו-אש חמתך br 48מח זכר-אני מה-חלד על-מה-שוא בראת כל-בני-אדם br 49מט מי גבר יחיה ולא יראה-מות ימלט נפשו מיד-שאול סלה br 50נ איה חסדיך הראשנים אדני נשבעת לדוד באמונתך br 51נא זכר אדני חרפת עבדיך שאתי בחיקי כל-רבים עמים br 52נב אשר חרפו אויביך יהוה אשר חרפו עקבות משיחך br [ (Psalms 89:53) נג ברוך יהוה לעולם אמן ואמן ]